Adinekoentzako gizarte-etxebizitzakAltean (Alacant)

Osasun eta Komunitatea Fundazioaren (FSC) zerbitzu propioa da, eta Altea udalerrian (Alacant) bizi diren adinekoentzako 38 etxebizitza kudeatzen ditu.

Etxebizitza hauek honako pertsona hauentzat dira: 60 urtetik gorakoak, pentsiodunak, Altean gutxienez 5 urtez erroldatuak, etxebizitza propiorik ez dutenak eta eguneroko bizitzako jarduerak egiteko autonomia dutenak, eta, hainbat egoera sozial, pertsonal eta/edo ekonomikorengatik, etxebizitza arrunt bat eskuratu ezin dutenak eta zerbitzu espezifiko hau behar dutenak.

Adinekoek, alokairu sozial baxu baten truke ostatu hartzeko etxebizitza bat jasotzeaz gain, bizi-kalitatea hobetzeko beste prestazio batzuk ere jasotzen dituzte: etengabeko arreta profesionala, eta garbiketa- eta etxeko mantentze-zerbitzuak.

Etxebizitzen ezaugarriei dagokienez, apartamentu bakoitzak 45m2 inguruko azalera du, eta banakakoa edo bikoitza izan daiteke. Zerbitzuak gune komunak ere baditu, aretoak, bizilagunen arteko bizikidetza errazten dutenak talde-jardueren edo jokoen bidez, bai eta banakako jardueren bidez ere, irakurketa adibidez.

Bestalde, apartamentu hauek CIMaren (Centro Integral del Mayor de Altea) goiko solairuetan daude —lehenengoan eta bigarrenean—; zentro hori ere gure erakundeak kudeatzen du, eta egoiliarrek bertan eskaintzen diren zerbitzuez balia daitezke.