Sant Eloi, buruko nahasmendua duten pertsonakgizarteratzeko pisuak (Bartzelona)

Proiektu honetan lankide dugu Fundación Hábitat 3. Programaren helburua ostatu- eta laguntza-alternatiba malgu eta ahalik eta normalizatuena eskaintzea da. Etxebizitza bat (kostu murriztuan) emateaz gain, eguneroko bizitzako jardueretan laguntza eskaintzen da. Horrela, bizitza autonomoko proiektu bat sustatzen da ingurune komunitario eta normalizatu batean.

Proiektua osasun mentaleko diagnostikoa duten, gizarte- eta familia-mailan zailtasunak dituzten eta etxebizitza ez-seguruko egoeran dauden pertsonei zuzenduta dago. Horrek bereziki zaurgarri bihurtzen ditu osasun mentaleko diagnostikoari dagokionez, eta zaildu egiten du komunitatean modu autonomoan gizarte-garapena izatea.

Programak profesional talde bat du, etxe bakoitzaren eta pertsona bakoitzaren beharretara egokitutako laguntza eta gainbegiratzea egiten duena, ingurune komunitarioan integratzea eta parte hartzea erraztuz.

Erabiltzen den lan-metodologia «housing first» (etxea lehenik) eredutik abiatzen da, Bartzelona hirian lantzen dena. Etxe bat izatea aukera bat da pertsonaren ongizatea eta osasun fisiko eta psikikoaren egoera hobetzeko, bai eta haren ongizatea kualitatiboki hobetzeko ere.

Helburuak:

• Pertsonaren bizitza independentearen proiektuan laguntzea.
• Komunitateko parte-hartzea eta gure erabiltzaileen eskubideen defentsa sustatzea, maizter gisa.
• Zaurgarritasun- edo desberdintasun-egoerak prebenitzea edo saihestea.