EL MUSSOL: Gizarte-bazterketako egoeran dauden drogamenpekoentzakogaueko arreta-zerbitzuak (Valentzia)

“El Mussol” Gaueko Zentroa 18 urtetik gorako etxerik gabeko pertsonei zuzendutako programa bat da; pertsona horiek gizarte-bazterketako egoeran daude, eta alkohol- edo droga-kontsumoari eta/edo osasun mentalari lotutako arazoak dituzte. Gainera, behar izan arren, ezin dira sartu Valentzia hirian dagoen aterpetxeen sare normalizatuan.

Honako helburu espezifiko hauek ditu:

• Valentzia hiriko kolektibo zaurgarrienetako baten oinarrizko beharrak (elikadura, higienea, atsedena, etab.) estaltzea ahalbidetzea.
• Erabiltzaileak gizarte- eta osasun-sare normalizatura iristea eta bertan jarraitzea erraztea, bai zerbitzu orokorretan, bai espezifikoetan, zerbitzu horietara iristeko zailtasun handienak dituzten kolektiboei arreta berezia jarriz.
• Aldaketa-prozesuak ahalbidetzen dituzten esku-hartze estrategia espezifikoak sustatzea, egonkortze pertsonala eta gizarteratzea errazteko, eta etengabeko arretarik ezak gizarte-bazterketako egoeran dauden pertsonengan dituen ondorio negatiboak arintzeko.
• Gaueko ordutegian erreferentziazko gune bat eskaintzea.
• Tratamendu farmakologikoekiko atxikimendua mantentzea (GIB, C hepatitisa, tuberkulosia, osasun mentala), eguneroko medikazioa modu jarraituan gordetzeko eta haren hartzea gainbegiratzeko leku seguru bat emanez.

Zentro hau beste baliabide batzuk osatzeko sortu zen, besteak beste C.I.B.E. de Valencia  baliabidea, eta koordinatuta dago C.A.S.T.-ekin (etxerik gabekoentzako arreta-zentroa), ospitaleekin eta SAUSekin (gizarte-larrialdiak), besteak beste.