"World Wide Inclusive Website" (WWIW):Portaera adiktiboak dituzten pertsonak gizarteratzeko praktika terapeutiko sortzaileen trukea

Ideia nagusiari dagokionez, WWIW Proiektua proiektu sortzaileak babestu eta erraztuko dituen lineako plataforma bat sortzearen inguruan dabil. Haren helburu orokorra hau da: komunitate inklusiboak sortzea, non portaera adiktiboak edo nahaste mentala dituzten pertsonek edo arrisku- edo gizarte-bazterkeria-egoeran daudenek biztanleria orokorrarekin elkarreragiten duten, honako hauen bidez:

• komunitate inklusiboen sorrera sustatzea;
• tokiko komunitateen barruan gizarte-talde txikiak sortzea;
• pertsona zaurgarriei zuzendutako proiektu sortzaileak garatzea (antzerkia, pintura, artisautza, etab.).

Belgikako elkarte artistiko honek bultzatutako proiektua da: OXOt (www.oxot.be), eta Europar Batasuneko Erasmus + Programak finantzatzen du, sormenaren eta arteen bidez gaitasunen garapena eta inklusioa sustatzeko. Halaber, Austriako helduen prestakuntzarako institutu hau ere ari da parte hartzen: ΙΝΜΑD (www.inmad.org), bai eta Greziako adikzioen prebentziorako zentro hau ere: KPLARISA (www.kplarisa.gr). Osasun eta Komunitatea Fundazioan (FSC) gizarteratze- eta adikzio-arloetako hainbat zerbitzuren bidez hartzen dugu parte (Komunitate Terapeutikoak, Eguneko Zentroak, etab.), eta batez ere honen bidez: “La Crisàlide” Gizarteratzeko Eguneko Zentroa.

Epe luzeko helburua hau da: sormen artistikoa errehabilitazio- eta prebentzio-funtzioekin uztartuko duen lankidetza bat ezartzea. Eta, denborarekin, erakunde bazkideen artean lotura iraunkorrak ezarri nahi dira, garatzen ditugun zerbitzu eta proiektuentzat funtsezko garrantzia duen arlo honetan lankidetzan jarraitzeko.

2021ean eta 2022an, Europako erakunde bazkideetako kideei zuzendutako truke- eta prestakuntza-jarduera hauek antolatu dira:

• Genero-ikuspegia Arteterapia zentroetan (Bartzelona, Espainia)
• Aniztasunaren kudeaketa, erresilientzia eraikitzeko/areagotzeko helburuarekin (Viena, Austria)
• Arteak eta kultura adikzioen prebentzioarekin uztartzea (Larisa, Grezia)
• Artea eta sorkuntza pertsona zaurgarrien gizarteratzearen alde (Anberes, Belgika)

Jarduera bakoitzaren prozesuari eta emaitzei buruzko hausnarketa EBook batean (ingelesez) bildu da, eta deskargatzeko eskuragarri dago hemen.

Gehiago jakiteko: WWIW | Erasmus + project card (europa.eu)
Proiektuaren webgunea: https://www.regenerationart.eu