INTERLEAVE - Drogak kontsumitzen dituzten eta indarkeria matxistaren biktima direnemakumeekin esku-hartzeak, Europar Batasuna

Emakumeak drogen adikzio-arazoak dituzten pertsonen laurdena inguru dira, eta Europan tratamendura iristen direnen bosten bat inguru. Horien artean, ehuneko handi bat genero-indarkeriatik bizirik atera dira. Arazo horri aurre egiteko tokiko eta nazioarteko ahaleginak eta ekimenak gero eta handiagoak izan arren, oraindik ere oztopo asko daude emakume kontsumitzaileek tratamenduak eskura ditzaten.

Europako INTERLEAVE proiektuaren helburua da emakume kontsumitzaileek jasaten dituzten genero-indarkeriak aztertzea, baita prebentzioaren eta esku-hartzearen arloko jardunbide egokienak ere, arlo horretan lan egiten duten profesionalei zuzendutako tresna-kutxa bat (“toolkit”) lantzeko.

Proiektuan zortzi erakundek hartzen dute parte: Comunità di Venezia (Italia), Osasun eta Komunitatea Fundazioa (Espainia), Therapieverbund Ludwigsmühle (Alemania), Therapiesalon im Wald (Austria), IREFREA (Portugal), Eu-Open (Italia), Zajednica Susret (Kroazia) eta ENSA (Europako Sarea).

Ekintzen artean, ekimenak hasierako ikerketa bat aurreikusten du, Osasun eta Komunitatea Fundazioak (FSC) gidatua, indarkeriaren biktima diren emakumeen eta haiek artatzen dituzten langileen nazio anitzeko lagin batekin egingo dena. Halaber, jardunbide egokien trukea egingo da parte hartzen duten herrialdeetako erakundeen artean, tokiko adituen parte-hartzearekin. Aurreko guztiaren arabera, profesionalei zuzendutako esku-hartze tresna multzo bat garatuko da.

Maila anitzeko ikuspegi diziplinarteko batekin, proiektua gizarte zibileko erakundeei laguntzeko diseinatuta dago, drogen arloan zerbitzu hobeak emateko duten gaitasuna indartuz, genero-ikuspegi eta ikuspegi feminista batetik.

Osasun eta Komunitatea Fundazioak (FSC) urteak daramatza drogen eta generoaren arteko intersekzioaren arloan lanean, hainbat proiekturen bidez. Informazio gehiago:  https://www.drogasgenero.info/

INTERLEAVE Proiektuaren finantzatzailea Europar Batasuneko Justizia Programa (Drogen arloko Politika Ekimenak) da , eta 24 hilabeteko iraupena aurreikusi da (2020ko azarotik 2022ko urrira). Emaitzak web-atari honetan kontsulta daitezke: www.interleave.org