“Rupture” programa (Alacant)

Rupture 13 eta 17 urte bitarteko bi sexuetako nerabeekin egiten den esku-hartze sozioedukatiboko programa bat da, eta nerabeak geografikoki, kulturalki eta linguistikoki lekualdatzean datza. Aldi baterako urruntze bat da (3-6 hilabete), eta haren helburu nagusia norberaren hausnarketarako egoera bat eragitea da, aldaketa positibo eta iraunkor baten abiapuntu izan dadin; horrela, nerabeak bere burua berriro kokatu ahal izango du, portaera-eredu desegokia eratzera eraman duen ingurunetik urrun.

Hezkuntza-baliabide honen oinarria ez da parte-hartzailea lekuz aldatzea, berez helburu gisa, haren jokabidea alda dadin, baizik eta aldaketa hori bere hausnarketatik abiatuta gauzatu ahal izateko baldintzak izatea.

Ingurune ezagunarekiko hausturak are garrantzi handiagoa du bizitzako aldi honetan; izan ere, nerabeak jokabide asko izaten ditu bere lotura sozialaren babesean, identifikazio osagarriak ematen dizkion taldearen babesarekin, eta askotan talde horrek aitortua sentitzen den leku bat ematen dio, nahiz eta horrek gizarte-araua haustea ekarri.

Profesional-taldea hezitzaile teknikariek eta familia hezitzaile profesionalek osatzen dute, eta artatutako pertsonak gidatzen dituzte aldaketa positibo batera eraman behar duen hausnarketa-prozesu horretan.

Esku-hartze programa hau DADarekin (Dispositif d’Accueil Diversifié) koordinatuta egiten da. DAD Association de Sauvegarde de l’Enfance, de l’Adolescence et des Adultes de Finistère (ADESA 29) elkartearena da; elkarte frantses hori gizarte-ekintzaren arloan aritzen da, gizarte-kohesioa mantentzen eta garatzen laguntzen du, pertsonak errespetatzen direla zaintzen du, eta bazterketaren prebentzioan eta horren aurkako borrokan parte hartzen du.

Hilero, DADak bideratutako 6 eta 8 gazte artean aritzen dira programan, eta Alacanteko Marina eskualdeko herrietan artatzen dira.