Sexism Free Night:Sexu-indarkeriari heltzea eta gaueko aisialdi-ingurune seguruagoak eta berdinzaleagoak sustatzea.

Osasun eta Komunitatea Fundazioaren Noctámbulas proiektutik, Europako ekimen honetan parte hartzen dugu: Sexism Free Night, “Sexismorik gabeko gauak”. Bere helburu orokorra hau da: sexu-indarkeria murriztea, sexismoaren errealitateaz kontzientzia hartzea bultzatzea gaueko edo eguneko jai-guneetara joaten direnen artean, eta gaueko aisialdi-ingurune seguruagoak eta berdinzaleagoak sustatzea.

Bi urteko (2020-2021) proiektu honen helburu zehatzak hauek dira:

1. Europako gaueko aisialdi-inguruneetako sexu-indarkeriari buruzko ezagutza sortzea eta zabaltzea.
2. Gaueko aisialdian lan egiten duten profesionalak inplikatzea sexismoa desnormalizatzen eta sexu-indarkeria prebenitzen.
3. Gaueko bizitzako inguruneetan esku hartzen duten kalteak murrizteko profesionalei jardunbide egokiei buruzko orientazioa ematea eta sexu-indarkeriaren prebentzioan prestatzea.
4. Kontzientziatzea behatzaile pasiboek jaietara joaten direnen arteko sexu-indarkeria desnormalizatzeko eta prebenitzeko duten garrantziaz.

Proiektu hau Europako Batzordeak REC Programaren (Berdintasuna, Eskubideak eta Herritartasuna) bidez finantzatzen du, eta koordinatzailea Portugalgo Unibertsitate Katolikoko Hezkuntza eta Psikologia Fakultatea da; taldea, berriz, honako hauek osatzen dute: Osasun eta Komunitatea Fundazioa eta haren Observatorio Noctámbul@s (Espainia), Club Comission Berlín (Alemania), Kaņepes Kultūras centrs (Letonia), Re Generacija (Serbia); lankidetzan, berriz, Newnet (Europako sarea) eta Kosmicare (Portugal) daude.

MANIFESTUA:

Sexism Free Night proiektuan gaueko bizitzaren sustatzaileek, GKEek eta unibertsitate batek parte hartzen dute, gaueko bizitzako ingurune seguruagoak eta berdinzaleagoak sustatzeko.

Honen alde gaude:

• Gaueko bizitzak genero-ikuspegia har dezan etorkizun bat, segurtasuna, aniztasuna eta guztientzako esperientzia baliotsuak sustatzeko.
• Gaueko aisialdiak hiri-eszenak eta -identitateak eratzean duen funtsezko zeregina aitortzea, pertsonen eta komunitateen sormen-garapenerako, esperimentaziorako eta aktibazio kulturalerako denbora-guneak eskaintzen baititu.
• Gizonezkoek menderatutako industria bitar, genero-estereotipatu eta egituraz desberdin bati aurre egitea, aukerak mugatzen baititu, indarkeria sustatzen baitu eta adierazpen-askatasuna eta transzendentzia arriskuan jartzen baititu.
• Genero-ikuspegia gaueko bizitzan txertatzea, gaueko bizitzako kulturei eta interesdunei zuzendutako osagai anitzeko ikuspegi parte-hartzaile baten bidez.
• Sexismoa desagerrarazten laguntzen duten beste ekimen batzuekin lankidetzan aritzea, indarkeriaren biziraule edo egileekin esku hartzeko ahaleginak batuz.

Proiektuari buruzko informazio gehiago:

• Webgunea: https://sexismfreenight.eu/
• Facebook orria: https://www.facebook.com/SexismFreeNight/
• Twitter profila: @sexismfreenight