San Mames Etxeaetxebizitza komunitarioa

Amurrioko Udala titular duen San Mames Etxea etxebizitza komunitarioa FSC Fundazioak eta Lagunduz taldeak kudeatzen dute. Egoitzak 65 urtetik gorako 8 lagun autonomorentzako tokia du.

Zehazki, etxeak 5 gela ditu (2 banakakoak eta 3 bikoitzak), guztiz ekipatutako sukaldea, jan-egongela, bainugela osoa edota komuna eta terraza barne.

Honako zerbitzu hauek eskaintzen dira:

• Autonomia hobetzeko zerbitzua
• Garbiketa
• Garbitegia
• Mantenua eta ostatua
• Eta animazio soziokulturala

Ekipamendu honen helburu orokorra da erabiltzaileei etxebizitza apropos eta erabilgarri bat eskaintzea, hots, haien independentzia, bizitza komunitarioa eta integrazio soziala ahalik eta hobekien sustatzen duen etxebizitza egokitua.